ناقص کمکاری اُتے دل روندا اے: وکٹ کیپر محمد رضوان ……٭رویل نیوز٭

ساؤتھمپٹن ( اُچیچا نمایندا ) محمد رضوان دا کہنا اے کہ ناقص کمکاری اُتے دل روندا اے پر اتھرو نہیں کڈھی دے۔ پاکستان تے انگلینڈ وچکار ساؤتھمپٹن ٹیسٹ دے تیجے دن دا کھیڈ ختم ہون دے بعد ویڈیو لنک اُتے میڈیا نال گلبات کردیاں ہویاں وکٹ کیپر بیٹسمین توں سوال کیتا گیا کہ ناقص کمکاری اُتے وی کھڈاری افسردا کیوں نہیں نظر آندے‘ جواب وچ اوہناں نے کہیا کہ اتھروواں دی ویڈیو ریکارڈ کر کے گھل سکدے آں کہ تہانوں ساڈی صورتحال نظر آئے پر اسیں انج نہیں کر سکدے۔ محمد رضوان دا کہنا سی کہ شائقین کرکٹ ونگوں سانوں وی بہت زیادا دُکھ ہوندا تے دل روندا اے پر تگڑا رہنا پیندا اے‘ کسے اِک اننگز نُوں لے کے بَہ جائیے تے اگلے میچ وچ کویں پرفارم کراں گے۔