وزیراعظم فلم انڈسٹری مافیاز خلاف وی کریک ڈاؤن کرن: مِیرا ---٭رویل نیوز٭

لاہور (نمایندا رویل) لالی وو سٹار مِیرا نے کہیا اے کہ میری وزیراعظم عمران خان توں اپیل اے کہ جتھے سیاستداناں تے دوجے شعبیاں وچ بیٹھے مافیاز دا کڑا احتساب ہو رہی اے بلکل ایسے طرحاں فلم انڈسٹری وچ موجود مافیاز دے خلاف وی کریک ڈاؤن ہونا چاہیدا اے۔ اِک انٹرویو وچ مِیرا نے کہیا کہ فلم انڈسٹری وچ وی مافیاز بیٹھے نیں جہناں دی وجھا توں انڈسٹری نُوں اوکڑاں دا ساہمنا اے۔ اوہناں نے کہیا کہ میں حکومت توں 4 کروڑ رُپئے مالی امداد دی اپیل کیتی اے تے ایہ میرا حق بندا اے‘ میں فلم انڈسٹری نُوں اپنے کئی سال دِتے نیں تے جدوں فنکار اُتے مشکل ویلا آندا اے تے اوہنوں اپنا حق منگنا چاہیدا اے۔ میں حکومت نُوں درخاست دِتی اے کہ مینوں 4 کروڑ رُپئے دی مالی امداد دِتی جاوے۔