کرونا نال دیس وچ دس بندے جیون دی بازی ہار گئے……٭رویل نیوز٭

اسلام آباد (نیوز ڈیسک) عالمی وباء کرونا وایرس دے کارن پاکستان وچ ہور 10 بندے جان دی بازی ہار گئے تے 424 نویں کیسز رپورٹ ہوئے۔ نیشنل کمانڈ اینڈ اپریشنسینٹر ولوں جاری کیتے گئے تازاآنکڑیاں دے مطابق پورے ملک وچ کرونا ایکٹو کیسز 8 ہزار 761 رہ گئے نیں۔ پاکستان وچ کرونا وایرس دے مجموعی کیسز دی گنتی 2 لکھ 97 ہزار 14 ہو گئی اے تے 6 ہزار 328 بندے جان دی بازی ہار چکے نیں۔ پاکستان دے 735 ہسپتالاں وچ کرونا روگیاں لئی سہولتاں نیں تے ہسپتالاں وچ کرونا دے روگیاں لئی وینٹی لیٹرز دی گنتی 1 ہزار 920 اے۔ نیشنل کمانڈ اینڈ اپریشن سینٹر دے مطابق ایس ویلے 1 ہزار 88 روگی ہسپتالاں وچ داخل نیں۔ سندھ وچ کرونا کیساں دی گنتی 1 لکھ 29 ہزار 827 ہو گئی اے۔ پنجاب وچ 96 ہزار 983‘ خیبر پختونخوا وچ 36 ہزار کرونا روگی نیں۔ پورے ملک وچ 132 ٹیسٹنگ لیبارٹریاں کم کر رہیاں نیں تے متعدد شہراں وچ ٹریس‘ ٹیسٹ تے اکلاپا حکمت عملی مؤثر طریقے نال کم کر رہی اے۔