اداکارا صباء قمر تے بلال سعید دیاں عبوری ضمانتاں منطور ……٭رویل نیوز٭

لاہور (نمایندا رویل) لاہور دی سیشن عدالت نے مسجد وزیر خان وچ نچن دی عکسبندی دے کیس وچ اداکار صباء قمر تے گلوکار بلال سعید دیاں عبوری ضمانت دیاں درخاستاں منظور کر لئیاں۔ سیشن عدالت وچ ایڈیشنل سیشن جج چودھری قاسم علی نے محفوظ کیتا گیا فیصلا سناندیاں ہویاں کہیا کہ عدالت دوہاں ملزماں دیاں عبوری ضمانت دیاں درخاستاں کنفرم کردی اے۔ عدالت نے کہیا کہ جزا تے سزا دا فیصلا ٹرایل وچ ہووے گا۔ صباء قمر تے بلال سعید نے کمرا عدالت وچ پیش ہو کے حاضری مکمل کروائی۔ اداکارا صباء قمر تے گلوکار بلال سعید دے خلاف مسجد وزیر خان وچ شوٹنگ کرن اُتے تھانا اکبری گیٹ وچ مقدما درج کیتا گیا سی۔ صباء قمر دے وکیل نے مؤقف اختیار کیتا کہ اداکارا بے قصور نیں‘ مسجد دے تقدس نُوں پامال نہیں کیتا گیا۔