بندیا ں دا کچن وچ کم کرنا بُری گل نہیں: یاسر حسین ……٭رویل نیوز٭

لاہور (نمایندا رویل) ڈراما تے فلم انڈسٹری دے معروف اداکار تے مجمان یاسر حسین نے کہیا اے کہ بندیاں دا کچن وچ کم کرنا بُری گل نہیں۔ اداکا ر مجمان یاسر حسین نے اپنے انسٹا گرام اکاؤنٹ اُتے اِک ویڈیو شیئر کیتی اے جہدے وچ اوہناں نے اپنے مداحاں نُوں دَسیا اے کہ قیما کویں بنایا جاندا اے۔ ویڈیو دے نال کیپشن وچ اداکار نے لکھیا کہ ”قیما بنایا اے میں۔‘ اوہناں نے ہور لکھیا کہ ’ترکیب ویکھ لوو تے بندیاں دا کچن وچ کم کرنا کوئی بُری گل نہیں اے۔‘ یاسر حسین نے اپنی پوسٹ وچ ہور لکھیا کہ ”باہر دا گندا کھانا کھان نالوں چنگا اے کہ تھوڑی محنت کر لئی جاوے۔‘ اداکار نے اپنی پوسٹ وچ حسن حیات خان‘ ساجیل میر تے عمر عالم نُوں مینشن کیتا اے کہ اوہ آ جان قیما کھان۔