بھارتی اداکارا سراوانی کندا پلی نے خُد کشی کر لئی……٭رویل نیوز٭

حیدر آباد‘ بھارت (اُچیچا نمایندا رویل) بھارت وچ تلوگو ٹی وی دی اِک اداکارا سراوانی کندا پلی نے خُد کشی کر لئی‘ گھروالیاں نے اداکار ا دے بوائے فرینڈ دیو راج ریڈی نُوں اوہدی مَوت دا ذمے دار متھ دِتا۔ خلیجی اخبار گلف نیوز دی رپورٹ دے مطابق تلوگو ٹی وی اداکارا سراوانی کندا پلی دی مَوت منگل والے دن رپورٹ ہوئی جتھے بھارتی میڈیا نے دَسیا کہ اداکارا مدھو رانگر حیدر آباد وچ اوہناں دے گھر وچ پکھے نال لمکے ہوئے ملے‘ مناسی مامتا تے ”مونارا گام“ سیریلز دی وجھا توں مشہور اداکارا نُوں جدوں عثمانیہ ہسپتال منتقل کیتا گیا تے ہسپتال دے عملے ولوں دَسیا گیا کہ اوہناں دی مَوت پہلے ای ہو چکی سی‘ جہدے بعد اوہناں دا پوسٹمارٹم کیتا گیا جہدی رپورٹ حالے تک ساہمنے نہیں آئی۔ خلیجی اخبار نے اِک مقامی نیوز ویب سائٹ دا حوالا دیندیاں ہویاں لکھیا کہ اداکارا ولوں ایہ انتہائی قدم بلیک میل کرن پاروں چُکیا گیا۔ دوجے پاسے اداکارا دے گھروالیاں نے اداکارا دے بوائے فرینڈ دیو راج ریڈی نُوں اوہدی مَوت دا ذمے دار متھ دِتا اے تے اوہدے اُتے بلیک میلنگ سنے حراساں کرن دا الزام لایا اے۔

www.rvel.org