فواد چودھری نے سر عام پھانسی دی مخالفت کر دِتی……٭رویل نیوز٭

لاہور (نمایندا رویل) وفاقی وزیر سائنس اینڈ ٹیکنالوجی فواد چودھری نے سنگین جرماں وچ ملوث مجرماں نُوں وی سرعام پھانسی یاں زندا ساڑن ورگیاں سزاواں دی مخالفت کر دِتی۔ اِک بیان وچ فواد چودھری نے کہیا کہ متشدد سوچ ہر مسئلے دا حل تشدد نُوں سمجھدی اے۔ اوہناں نے کہیا کہ متشدد سوچ رکھن‘ مجرماں نُوں زندا ساڑن‘ سرعام پھانسی دین تے جسمانی انگ کٹ دین ورگے مطالبات کردے نیں۔ فواد چودھری نے کہیا کہ ایہو جہیا عوامی ردِ عمل تے سمجھ وچ آندا ا‘ پر وزیراں تے پڑھے لکھے طبقات وی بغیر ہچکچاہٹ دے ایہو جہیاں گلاں کردے نیں۔ اوہناں دا کہنا سی کہ وزراء تے پڑھے لکھے طبقے ولوں زندا ساڑن تے سر عام پھانسی دین ورگے ردِ عمل معاشرے دی متشدد سوچ دے عکاس نیں۔