منال دی ٹک ٹاک ویڈیو دی سوشل میڈیا اُتے دُھم پے  گئی۔۔۔٭رویل نیوز٭

لاہور (نیوز ڈیسک) معروف اداکارا تے ماڈل منال خان دی ٹک ٹاک ویڈیو سوشل میڈیا اُتے وایرل ہو گئی اے جہنوں ویکھن دے بعد صارفین نے اوہناں لئی تعریفاں دے پُل بنھ دِتے۔ سوشل میڈیا سائٹ انسٹا گرام اُتے منال خان دی اِک ٹک ٹاک ویڈیو وائرل ہو رہی اے جہدے وچ اوہناں عروسی لباس پایا اے تے پوڑھیاں توں لتھدے نظر آ رہے نیں۔ انسٹا گرام اُتے وائرل ہون والی ٹک ٹاک ویڈیو راحت فتح علی خان دے مشہور گانے ’آفریں آفریں“ دے کجھ بول اُتے بنائی گئی اے جد کہ ایہ ویڈیو منال خان دے نویں برائیڈل شوٹ دی اے جہڑا اوہناں نے ڈیزائنر ماہا وجاہت خان لئی شوٹ کروایا اے۔ منال خان دی ٹک ٹاک ویڈیو اُتے کمنٹ کردیاں ہویاں صارفین نے اداکارا نُوں سُپر ماڈل متھ دِتا تے کہای کہ ماشا ء اللہ تُسیں بہت سوہنے لگ رہے او۔