زینب دے قتل اُتے شوبز فنکا راں وی اواز چُک دِتی ،فنکاراں ولوں سرکار توں مجرماں نُوں سخت  سزا دی  منگ ۔۔۔٭رویل نیوز٭

کراچی (نمایندا رویل) زیادتی دے بعد قتل ہون والی چار سدا دی ڈھائی ورھیاں دیزینب لئی شوبز فنکاراں نے اواز چُکدیاں ہویاں حکومت توں اِک واری فیر زیادتی دے مجرماں نُوں کڑی سزا دین دا مطالبا کیتا اے۔ بچی دی مدھی لاش برآمد ہون دے بعد ٹوئٹر اُتے جسٹس فار زینب دا ہیش ٹیگ ٹرینڈ کر رہیا سی جتھے لوک معصوم بچیاں نُوں اپنی ہوس دا نشانا بنان والے مجرماں نُوں کڑی سزا دین دا مطالبا کر رہے سن۔ شوبز نال تعلق رکھن والے بندیاں نے وی معصوم زینب دے نال زیادتی تے قتل دے واقع اُتے غم تے غصے دا اظہار کیتا۔ اداکار عدنان نے ٹوئٹر اُتے اِک ہور زینب تے جسٹس فار زینب دا ہیش ٹیگ استعمال کردیاں ہویاں کہیا کہ کاش ننھی زینب دا خون چیک چیک کے ایہناں درندیاں نُوں ہمیشا لئی تکلیف دیوے۔