kraamaat@gmail.com
+ +92 333-430-6384
نمائندا رویل
October 09, 2020
کراچی (نیوز ڈیسک) اداکارا مہوش حیات آسکر سلیکشن کمیٹی 2020 دا حصا بن گئے۔ مہوش حیات نے انسٹا گرام اُتے آسکر دی سلیکشن کمیٹی دا حصا بنن دی خبر شیئر کردیاں ہویاں کہیا کہ مینوں چالو سال 2 وار آسکر ایوارڈ یافتا شرمین عبید چنائے دے نال پاکستان دی آسکر سلیکشن کمیٹی دا حصا بنن دا اعزاز حاصل ہویا اے۔ مہوش حیات نے کہیا کہ میں آسکر لئی نامزد ہون والیاں پاکستانی فلماں نُوں ویکھن تے ایہناں وِچوں کسے اِک فلم نُوں پاکستان ولوں آسکر دی نامزدگی لئی منتخب کرن دا انتظار کر رہی آں۔ گھٹ توں گھٹ ایہ اِک راہ اے جہدے راہیں اسیں اپنے ملک دی مثبت امیج تے اپنے ملک دا ٹیلنٹ دنیا دے ساہمنے نمایاں کر سکدے آں۔ انشاء اللہ۔
