ملک خلاف ہوچھے ہتھکنڈیاں نُوں مدھیا جاوے گا: محمود الرشید۔۔۔٭رویل نیوز٭

شیخو پور ا(نمایندا رویل) صوبائی وزیر محمو د الرشید دی شرقپور شریف آمد‘ رکن صوبائی اسمبلی میاں جلیل نال ملاقات تے آپسی دلچسپی دے امور اُتے وچار وٹا ندرا کرن سنے ایہناں دے نال اسمبلی فلور اُتے ہون والے واقع اُتے افسوس دا اظہار۔ ایس توں بعد میڈیا نمایندیاں نال گلبات کردیاں ہویاں میاں محمود الرشید نے کہیا کہ میاں جلیل شرقپوری دے نال ہون والی لیگی رکن اسمبلی دی تلخی تے افسوسناک سلوک دا نشانا بنایا جانا ناقابل برداشت اے‘ جہدی جنی مذمت کیتی جاوے گھٹ اے‘ اوہناں نے کہیا کہ میاں جلیل احمد شرقپوری تے اوہناں دے ہور ہم اواز اراکین اسمبلی دے نال ن لیگ ولوں تھرڈ ڈگری ہتھکنڈے اپنائے جا رہے نیں۔ اوہناں نے ہور کہیا کہ نواز شریف دا بیانیا فوج تے ملکی اداریاں دے خلاف اے‘ ملک دے خلاف ہوچھے ہتھکنڈیاں نُوں مدھیا جاوے گا‘ اپوزیشن جلسا کرے یاں وجلسی پر قانون دے دایرے وچ رہ کے کرے۔