شیکسپیئر دی پہلی کتاب ڈیڈھ ارب توں ودھ وچ نیلام، فرسٹ فولیو نُوں نیویارک وچ نیلام لئی پیش کیتا گیا۔۔۔٭رویل نیوز٭

نیو یارک (نیٹ نیوز) انگریزی زبان دے عظیم ترین مصنف ولیم شیکسپئر دی پہلی کتاب ڈیڈھ ارب توں ودھ وچ امریکا وچ نیلام ہو گئی۔ غیر ملی خبر رساں ادارے دے مطابق ولیم شیکسپیئر دی 1623 وچ لکھی گئی کتاب فرسٹ فولیو نُوں امریکی شہر نیو یارک دے کرسٹیز نیلا گھر وچ ویچن لئی پیش کیتا گیا سی۔ ولیم شیکسپیئر دی کتاب فرسٹ فولیو نُوں نیو یارک وچ قایم 19 ویں صدی دی نایاب کتاب تے فوٹو گرافی دی دُکان دے بانی تے نجی کلکٹر سٹیفن لونتیل نے خرید لیا۔ دی فرسٹ فولیو نامی کتاب نُوں ولیم شیکسپیئر دی مَوت دے 7 سال بعد اوہناں دے لکھاری سنگیاں جان ہیمنگس تے ہینری کونڈیل نے ترتیب دے کے چھپوایا سی۔ نیلام ہون والی کتاب دیاں پوری دنیا وچ صرف 235 کاپیاں موجود نیں۔