kraamaat@gmail.com
+ +92 333-430-6384
نمائندا رویل
October 18, 2020
کراچی (اُچیچا نمایندا) فہد مصطفیٰ تے ماہرہ خان دی فلم ”قائداعظم زندا باد" دے ٹیزر نے ریلیز ہوندیاں ای سوشل میڈیا اُتے دُھم مچا دِتی۔ فہد مصطفی تے ماہرہ خان دی فلم ”قائداعظم زندا دی تانگھ لوک کافی عرصے توں کر رہے نیں۔ ایس فلم وچ ماہرہ تے فہد دی جوڑی پہلی وار اکٹھی نظر آ رہی اے جد کہ فہد مصطفی فلم وچ پولیس افسر دے ایکشن نال بھرویں کردار وچ نظر آن گے۔ 45 سیکنڈ دے مختصر ٹیزر وچ ایکشن‘ رومینس سنے ہر اوہ شے موجود اے جہڑی تہانوں بالی ووڈ فلماں بھُل جاون اُتے مجبور کر دین گیاں۔ ٹیزر نال فلم دی کہانی دا تے اندازا نہیں ہو رہیا پر ماہرہ خان دی صرف اِک جھلک ای وکھائی دِتی اے پر ایس اِک جھلک نال وی اندازا ہو گیا کہ فلم صرف ہیرو دے دوالے نہیں گھُمدی سگوں ایہدے وچ ماہرہ خان دا وی بہت جاندار کردار اے ایہدے علاوا اوہ فلم وچ بے حد خوبصورت وی لگ رہے نیں۔ ٹیزر نُوں یوٹیوب اُتے صرف کجھ گھنٹیاں دے دوران 1 لکھ توں ودھ لوک ویکھ تے پسند کر چکے نیں۔
