گلوکارا میشا شفیع  چار ورھیاں بعدکوک سٹوڈیو وچ واپسی لئی تیار۔۔۔٭رویل نیوز٭

لاہور (نیوز ڈیسک) گلوکارا میشا شفیع 4 سال بعد میوزک شو ”کوک سٹوڈیو“ دا حصا بنن جا رہے نیں۔ چالو سال کوک سٹوڈیو دا 13 واں سیزن چھیتی ٹی وی سکرین اُتے ریلیز کرن دا اعلان کیتا گیا سی۔گلوکارا نے وی اپنے سوشل میڈیا پیغاماں وچ ایس شو دا حصا بنن اُتے خُشی دا اظہار کردیاں ہویاں مداحاں نُوں ایہ خشخبری سنائی اے۔ کوک سٹوڈیو وچ عارف لوہار دے نال ”جگنی“ گا کے شہرت دیاں بلندیاں اُتے پہنچن والی میشا شفیع نے ایس سیزن وچ وی واپسی دا اعلان کیتا اے۔ اوہناں نے اپنی ٹویٹ وچ دَسیا کہ اوہ کوک سٹوڈیو 2020 وچ واپس آ رہے نیں۔ واضح رہوے کہ گلوکار علی ظفر نے جنسی ہراسانی دے الزامات لان اُتے میشا شفیع خلاف 1 ارب ہرجانے دا دعوا دایر کر رکھیا اے۔