kraamaat@gmail.com
+ +92 333-430-6384
نمائندا رویل
October 23, 2020
لاہور (نیو ڈیسک) چیئرمین اکادمی ادبیات پاکستان ڈاکٹر محمد یوسف خشک دی اگوائی وچ اِک وفد نے پنجاب اِنسٹیٹیوٹ آف لینگوئج، آرٹ اینڈ کلچر، (پِلاک) دا دورا کیتا۔ ڈائریکٹر پِلاک ڈاکٹر صغراء صدف نال ملاقات دے دوران ڈاکٹر محمد یوسف خشک نے پاکستانی زباناں دی اہمیت اُتے وچار وٹاندرا کیتا تے پِلاک تے اکادمی ادبیات پاکستان دے وچکار مفاہمتی یادداشت اُتے دستخط کیتے جہدا مقصد آپسی سرگرمیاں نُوں سانجھے لائحے عمل راہیں سر انجام دینا سی۔ وفد نُوں پلاک دے سارے شعبا جات توں متعارف کروایا گیا جہناں وچ FM-95 پنجاب رنگ‘ پنجاب آڈیٹوریم‘ پنجابی لائبریری‘ پنجاب میوزیم تے آرٹ گیلری تے پلاک لوک سٹوڈیو شامل سن۔ ڈاکٹر محمد یوسف خشک نے پِلاک دیاں ادبی تے ثقافتی سرگرمیا ں نُوں خوب سلاہیا تے امید ظاہر کیتی کہ مستقبل وچ دوویں ادارے رَل کے پاکستانی زباناں دے فروغ لئی اپنا کردار ادا کرن گے۔ وفد وچ ڈاکٹر نجیب جمال‘ ریزیڈنٹ ڈائریکٹر اکادمی ادبیات پاکستان عاصم بٹ‘ انور عزیز چانڈیو تے اشوک کمار شامل سن۔ ایس موقع اُتے ڈائریکٹر پِلاک محمد عاصم چودھری تے ڈپٹی ڈائریکٹر خاقان حیدر غازی وی موجود سن۔
