کرونا وایرس، ستارھاں بندے واصل،977 نویں کیسز رپورٹ۔۔۔٭رویل نیوز٭

اسلام آباد (نیوز ڈیسک) پورے ملک وچ کرونا وایرس دے فعال کیساں دی گنتی ودھ کے 12 ہزار 592 ہو گئی جد کہ پچھلے 24 گھنٹیاں وچ 17 بندے کرونا دے کارن جان توں ہتھ دھو بیٹھے نیشنل کمانڈ اینڈ اپریشنل دے تازا آنکڑیاں دے مطابق پچھلے 23 گھنٹیاں وچ کرونا دے 977 نویں کیسز رپورٹ ہوئے جہدے بعد پورے ملک وچ مجموعی کیساں دی گنتی 3 لکھ 33 ہزار 970 ہو گئی۔ این سی او سی دے مطابق فعال کیساں دی گنتی ودھ کے 12 ہزار 5992 ہو گئی جد کہ ہُن تک کرونا وایرس وچ مبتلا 3 لکھ 14 ہزار 555 روگی صحت یاب ہو چکے نیں۔ پچھلے 24 گھنٹیاں وچ ہور 17 مَوتاں رپورٹ ہوئیاں جہدے بعد مجموعی مَوتاں دی گنتی 6 ہزار 823 ہو گئی۔ سندھ وچ روگیاں دی گنتی 1 لکھ 45 ہزار851، پنجاب وچ 1 لاکھ 4 ہزار 271، خیبرپختونخوا 39 ہزار 564، اسلام آباد وچ 19 ہزار 970، بلوچستان وچ 15 ہزار 920، ازاد کشمیر 4 ہزار 133 تے گلگت بلتستان وچ 4 ہزار 261 تک پہنچ گئی اے۔