kraamaat@gmail.com
+ +92 333-430-6384


پنجاب کابینا وچ بدلاؤ‘ چوہان نُوں عہدے توں ہٹا دِتا گیا،فردوس عاشق اعوان پنجاب دی معاون خصوصی اطلاعات بن گئیاں۔۔۔٭رویل نیوز٭


نمائندا رویل November 03, 2020


لاہور (نمایندا رویل) پنجاب کابینا وچ ردو بدل کر دِتا گیا‘ فیاض الحسن چوہان توں وزارت اطلاعات پنجاب دا عہدا واپس لے لیا گیا۔ پی ٹی آئی دی سینئر آگو ڈاکٹر فردوس عاشق اعوان نُوں وزیر اعلا پنجاب سردار عثمان بزدار دی معاون خصوصی برائے اطلاعات تعینات کر دِتا گیا اے۔ ایس ضمن وچ پنجاب سرکار نے نوٹیفکیشن جاری کر دِتا۔ نوٹیفکیشن دے مطابق فیاض چوہان توں اطلاعات دا محکما واپس لے لیا گیا اے تے ہُن اوہ صرف محکما کالونیز دے صوبائی وزیر ہون گے۔ نوٹیفکیشن دے مطابق فردوس عاشق اعوان دے کول اطلاعات دا شعبا وی ہووے گا۔ ایہدے علاوا پنجاب دے ہور دو وزراء مہر محمد اسلم تے زوار حسین وڑائچ نُوں وی عہدے توں ہٹایا گیا اے۔