ٹی وی ڈراما انڈسٹری توں دور نہیں ہوئی: مہوش حیات ۔۔۔٭رویل نیوز٭

لاہور (نمایندا رویل) اداکارا تے ماڈل مہوش حیات نے کہیا اے کہ ٹی وی ڈراما انڈسٹری توں دور نہیں ہوئی‘ اشتہاری فلماں وچ مسلسل کم دی وجھا توں مصروف سی‘ ہُن کجھ ریلکس ہوئی آں پر کسے ڈرامے یاں فلم وچ کم کرن لئی چنگے سکرپٹ تے جاندار کردار دی کھوج اے۔ وسیلیاں نال گلبات کردیاں وہیاں اوہناں نے ہور کہیا کہ کوئی وی فنکار بُہتا عرصا اپنی پرفارمنس پیش کرن توں دور نہیں رہ سکدا‘ میرے مداح بڑی چھیتی مینوں وکھرے تے چونکا دین والے کردار وچ ویکھن گے‘ جہنوں فی الحال پالیسی دے تحت خُفیا رکھنا بہتر اے پر ایس حوالے توں چھیتی خشخبری سناواں گی۔ یاد رہوے کہ مہوش حیات نُوں اپنی چنگی کمکاری وجوں صدارتی ایوارڈ نال وی نوازیا جا چُکیا اے۔