میریاں فلماں انڈسٹری نُوں نویں زندگی دین گیاں: ماہرہ خان۔۔۔٭رویل نیوز٭

لاہور (نیوز ڈیسک) اداکارا ماہرہ خان نے کہیا اے کہ میریاں آن والیاں 3 نویاں فلماں ”لیجنڈ آف مولا جٹ‘ نیلو فر تے ’قائداعظم زندا باد“ نال فلم انڈسٹری نُوں اِک نویں زندگی ملے گی۔ کرونا وایرس دی وباء دی وجھا توں شوبز انڈسٹری بحرانی کیفیت دا شکار ہو چکی اے‘ میریاں فلماں دے علاوا ہور اداریاں دیاں فلماں دی ویلے سر نمایش نال فنکاراں نُوں ای نہیں فلم انڈسٹری نال وابستا ہر بندے نُوں فیض ملے گا۔ ماہرہ خان نے کہیا کہ اسیں کرونا وایرس توں بچن لئی ایس او پیز اُتے عمل کیتا تے چھیتی ایس بُرے ویلے توں نکل جاواں گے۔ پوری دنیا وچ سینما گھر کھُل رہے نیں جہدے نال انڈسٹری دے حالات بہتر ہون گے۔ یاد رہوے کہ ماہرہ دا شمار کامیاب ترین اداکاراواں وچ ہوندا اے۔