وقار یونس کھڈاریاں دی ٹی 20 لیگز وچ رلت دے حامی۔۔۔٭رویل نیوز٭

کراچی (نیوز ڈیسک) پاکستانی بولنگ کوچ وقار یونس پلیئر دی ٹی 20 لیگز وچ رلت دے حامی نیں‘ اوہناں دے مطابق کھڈاریاں نُوں کمائی دا حق حاصل اے۔ بولنگ کوچ وقار یونس کرکٹر ز اُتے کم دا بھار سنبھالن لئی اوہناں دی ٹی 20 لیگز وچ رلت اُتے وی گوڑھی نظر رکھدے نیں‘ نال ای اوہناں نے ایہ وی واضح کیتا اے کہ اوہ پلیئرز نُوں دولت کمان توں روکن دے حامی نہیں نیں۔ زمبابوے نال دوجے ون ڈے دے بعد وقار یونس نے کہیا کہ پلیئر ز نُوں ٹی 20 لیگز کھیڈ کے دولت کمان دا پورا حق حاصل اے‘ میری بُہتی دلچسپی انٹرنیشنل کرکٹ تے توجا ایس گل اُتے رہندی اے کہ بولرز نُوں کویں پاکستان لئی کھیڈن دی خاطر تیار رکھیا جاوے۔ اوہناں نے کہیا کہ لیگز وچ کھیڈن دے حوالے توں پالیسیاں موجود نیں تے اسیں کسے نُوں دولت کمان توں روکنا نہیں چاہندے۔