فلم ”لندن نہیں جاؤں گا“ کرونا وجوں دیر دا شکار،فلم دی 18 دن دی عکسبندی لندن وچ کرنا باقی اے: ندیم بیگ۔۔۔٭رویل نیوز٭

لاہور (نمایندا رویل) اداکار ہمایوں سعید دی فلم ”لندن نہیں جاؤں گا“ کرونا وایرس دے کارن دیر دا شکا ر ہو گئی۔ ہدایتکار ندیم بیگ نے اپنے انٹرویو وچ دَسیا کہ فلم لندن نہیں جاؤں گا دی 18 دن دی عکسبندی لندن وچ کرنا باقی اے ایہدے علاوا اوہ فلم نُوں چالو سال سینما گھرں وچ پیش نہیں کر گے۔ اوہناں نے کہیا کہ بطور ہدایتکار اوہناں دی پہلی ترجیح اپنے پروڈیوسرز نُوں ودھ توں ودھ منافع دین_ اے۔ اوہناں نے کہیا کہ بے شک سینما گھر کھلے ہوئے نیں پر جے اوہ اپنے لئی ایہ سمجھدے نیں کہ سینما گھر وچ جا کے فلم ویکھنا اوہناں لئی محفوظ نہیں اے تے اوہ اپنے شائقین توں وی ایس قسم دی کوئی امید نہیں ر کھدے کہ اوہ اوہناں دی فلم ویکھن لئی سینما گھراں دا رُخ کرن گے۔