کرونا بعد پاکستان ترقی کر رہیا اے: عبدالحفیظ شیخ۔۔۔٭رویل نیوز٭

اسلام آباد (نیوز ڈیسک) مشیر خزانا ڈاکٹر عبدالحفیظ شیخ نے کہیا اے کہ پاکستان کرونا دے اثرات بعد درست سمت ترقی کر رہیا اے تے ترقی دی رفتار تیز کرن لئی پاکستان تے عالمی بینک دے وچکار مختلف شعبیاں وچ تعاون ودھایا جاوے گا۔ مشیر خزانا عبدالحفیظ شیخ دی صدارت ہیٹھ اجلاس ہویا۔ اجلاس وچ ورلڈ بینک دے کنٹری ڈائریکٹر تے ورلڈ بینک دے اپریشن منیجر نے رلت کیتی۔ مشیر خزانا دا کہنا سی کہ پاکستان وچ اصلاحات لئی عالمی بینک نے ہمیشا تعاون کیتا‘ پاکستان وچ مختلف ترقیاتی منصوبیاں اُتے عملدرآمد وچ کردار ادا کیتا‘ کنٹری ڈائریکٹر ورلڈ بینک نے دو پاسی مفاد دے منصوبیاں اُتے عملدراُتے شکریا اد اکیتا۔ اجلاس وچ توانائی‘ قرضیاں دی مینجمنٹ تے جی ایس ٹی دے حوالے توں گلبات کیتی گئی۔