پاکستانی ٹی وی چینلز اُتے ٹی آر پی لئی کُوڑا وِک رہیا اے: اداکارا سونیا حسین۔۔۔٭رویل نیوز٭

کراچی (نمایندا رویل) اداکارا سونیا حسین دا کہنا اے کہ ساڈے پروڈیوسرز تے ڈائریکٹرز نے ایہ سوچنا ای چھڈ دِتا اے کہ اسیں کیہ وکھانا اے ایتھے جو نظر آ رہیا اے اوہ وِک رہیا اے تے جے کوڑا وی وِک رہیا اے تے تُسیں ویچ رہے او۔ اداکارا سونیا حسین نے برطانوی نشریاتی ادارے نُوں انٹرویو دیندیاں ہویاں اپنے نویں ڈرامے ”سراب“ دے بارے وچ گل کیتی۔ ایس ڈرامے وچ سونیا دماغی بیمای وچ مبتلا سوانی دا کردار اد اکر رہے نیں۔ انٹرویو دے دوران اوہناں نے ایس کردار دے بارے وچ دَسدیاں ہویاں کہیا کہ ساڈے معاشرے وچ سوانیاں دیاں دماغی بیماریاں بارے کھل کے گل نہیں کیتی جاندی سگوں ایہناں دا اعلاج کروان دی بجائے ایہناں نُوں لُکایا جاندا اے۔