حکومت تے علماء دا اج دُعا دیہاڑ مناون دا فیصلا۔۔۔٭رویل نیوز٭

اسلام آباد (نمایندا رویل) جمعے دی نماز دے اجتماعواں وچ کرونا دی دوجی لہر توں تحفظ لئی خصوصی دُعاواں کیتیاں جان گیاں۔ وسیلیاں مطابق کرونا دی دوجی لہر وچ شدت دے بعد مسیتاں لئی ایس او پیز دا نویں سرے توں جایزا لین لئی صدر مملکت عارف علوی دی صدارت ہیٹھ اجلاس ہویا‘ جہدے وچ وباء توں بچاء لئی نویں ایس او پیز تیار کیتے گئے‘ جد کہ فیصلا کیتا گیا کہ اج پورے ملک وچ جمعے دے اجتماعاواں وچ کرونا دی دوجی لہر توں تحفظ لئی خصوصی دُعاواں کیتیاں جان گیاں۔ علمائے کرام نے لوکائی توں اپیل کیتی کہ کجھ عرصے لئی جلسیاں جلوساں نُوں مؤخر کر دِتا جاوے۔ صدر مملکت دا کہنا سی کہ وباء توں تحفظ لئی رجوع الی اللہ کیتا جاوے‘ ہتھ دھون‘ سماجی فاصلے‘ ماسک پان اُتے عملدرآمد یقینی بنایا جاوے۔