ورودھی کھڈاری دا زور دار مُکّا‘ مقامی باکسر چلانا کر گیا……٭رویل خبر٭

کراچی (نیوز ڈیسک) شہر قائد وچ مقامی سطح اُتے کھیڈے جا رہے اِک مقابلے وچ باکسنگ دا کھڈاری مخالف دا زور دار مُکا وجن نال زخمی ہو گیا‘ اوہنوں ہسپتال داخل کروایا گیا پر اوہ بچ نہ سکیا۔ میڈیا رپورٹاں دے مطابق باکسنگ دا ایہ افسوسناک مقابلا کراچی دے نجی کلب وچ جاری سی۔ مقابلے دے دوران باکسر محمد اسلم نُوں اپنے مخالف کھڈاری ولی خان دا زور دار مُکا وجیا۔ زور دار مُکان کھان نال محمد اسلم زخمی ہو گئے۔ اوہناں نُوں طبی امداد لئی نجی ہسپتال منتقل کیتا گیا پر اوہ زخماں دی تاب نہ لیاندیاں ہویاں چلانا کر گئے۔ باکسر محمد اسلم دا تعلق پشین نال سی۔ مرحوم پاکستان لئی کک باکسنگ مقابلیاں وچ وی حصا لے چکے نیں۔ یاد رہوے کہ ایس توں پہلاں ایہو جہے حادثے کرکٹ وچ وی ہو چکے نیں۔