گلوکاری وچ انمٹ نقش چھڈنا چاہندی آں: حمیرا چنا ……٭رویل نیوز٭

لاہور (نمایندا رویل) معروف گلوکارا حمیرا چنا نے کہیا اے کہ میں سمجھدی آں کہ اپنیاں صلاحیتاں نُوں متعارف کروان تے اوہناں لوکاں تک پہنچان لئی فنون لطیفا دے شعبے سبھ توں بہتر نیں۔اِک سوال دے جواب وچ اوہناں نے کہیا کہ میں گلوکاری دے شعبے وچ انمٹ نقوش چھڈنا چاہندی آں‘ میں تے کدی نہیں سوچیا ی کہ ایس پروفیشن وچ ایس طرحاں کامیابی ملے گی۔ پر ایس کامیابی نُوں پان لئی مینوں بہت سخت محنت کرنی پئی اے۔ ایہدے علاوا جہناں سینئر فنکاراں دے نال کم کیتا‘ اوہناں نے وی بہت رہنمائی کیتی تے ایہ سلسلا اج وی جاری اے۔ اوہناں نے کہیا کہ گلوکاری وچ ترقی لئی محنت‘ لگن نال کم کرن دی ضرورت ہوندی اے تے ایہدے بعد ای کامیابی مل پاندی اے۔