kraamaat@gmail.com
+ +92 333-430-6384


دیپکا تے پریانکا اُتے ”فیک فالورز“ خریدن دا الزام ……٭رویل نیوز٭


نمائندا رویل July 24, 2020


لاہور (نمایندا رویل) ممبئی کرائم برانچ نے انکشاف کیتا اے کہ بالی ووڈ دی ڈمپل گرل دیپکا پڈوکون تے بالی ووڈ سنے ہالی ووڈ وچ وی بے حد پسند کیتی جان والی اداکارا پریانکا چوڑا نے سوشل میڈیا اُتے اپنے فالورز ودھان لئی ”فیک فالورز“ خریدے نیں۔ فیک فالورز دے معاملے دے زور پھڑدیاں ای ممبئی کرائم برانچ نے وی فرضی سوشل میڈیا فالورز سکیم دی تحقیقات شروع کر دِتیاں نیں‘ جہدے وچ کئی حیران کن انکشافات ساہمنے آئے نیں۔ ممبئی کرائم برانچ نے انکشاف کیتا اے کہ اداکارا دیپکا پڈوکون تے پریانکا چوپڑا دا ناں وی فیک فالورز خریدن دی فہرست وچ اے‘ ایہدے علاوا ایس فہرست وچ ہور اہم شخصیات دے ناں وی ساہمنے آئے نیں۔ فرضی فالورز نُوں انسٹا گرام دی زبان وچ ’Bots‘ کہندے نیں جہدے راہیں فنکار تے ہور ہائی پروفائل لوک اپنے فالورز دی گنتی ودھاندے نیں جہڑے کہ خریدے ہوئے ہوندے نیں۔