اداکارا کومل رضوی 39 ورھیاں دے ہو گئے،جمن دیہاڑ دیاں تصویراں انسٹا گرام اُتے وائرل ہو گئیاں ……٭رویل نیوز٭

لاہور (نیوز ڈیسک) پاکستانی اداکارا تے گلوکارا کومل رضوی نے اپنے جمن دیہاڑ دیاں خوبصورت تصویراں سوشل میڈیا اُتے شیئر کیتیاں۔ پاکستانی سانگ رائٹر کومل رضوی نے پچھلے دن اپنا 39 واں جمن دیہاڑ منایا‘ کومل رضوی نے اپنے جمن دیہاڑ دیاں تصویراں فوٹو‘ ویڈیو شیئر ایپلیکیشن‘ انسٹا گرام اُتے اپنے مداحاں نال وی شیئر کیتیاں۔ کومل رضوی نے اپنی تصویر شیئر کردیاں ہویاں نال اللہ دا شکر ادا کیتا تے لکھیا کہ ”اللہ واقعی سبھ توں وڈا اے۔‘ کومل رضوی دا ہور کہنا سی کہ ”زندگی بہت خوبصورت اے‘ اوہناں دے جمن دیہاڑ اُتے اوہناں نُوں بہت سارا پیار مِلیا اے جہدے اُتے اوہ سبھ دے بہت شکر گزار نیں۔‘ کومل رضوی دی تویر اُتے مداحاں ولوں اوہناں لئی ڈھیر ساریاں نیک تمناواں دا اظہار کیتا گیا۔