فنکار دی مَوت اُتے پیسے کمائے جاندے نیں، فنکاراں نُوں زندگی وچ کوئی نہیں پُچھدا: نوشین شاہ۔۔۔۔٭ رویل نیوز٭

کراچی ( شوبزنیوز ڈیسک)اداکارا تے ماڈل نوشین شاہ نے شوبز انڈسٹری تے معاشرے دے دُہرے معیار اُتے بھڑکدیاں ہویاں کہیا اے کہ ساڈے ایتھے فنکاراں دی زندگی وچ اوہناں نُوں کوئی نہیں پُچھدا پر جدوں اوہ مر جاندے نیں تے اوہناں دی مَوت اُتے مختلف شوز کر کے پیسے کمائے جاندے نیں۔ اداکارا نوشین شاہ نے عفت عمر دے شو وچ قندیل بلوچ دا ذکر کردیاں ہویاں کہیا کہ قندیل بلوچ جدوں زندا سن تے تُسیں گالھاں کیوں کڈھیاں جدوں اوہ مر گئے تے تُسیں اوہدے اُتے ڈراما بنا دِتا‘ مینوں معاشرے دا ایہ دُہرا معیار سمجھ نہیں آندا‘ ایہ بہت افسوسناک اے۔ نوشین شاہ نے پاکستانی انڈسٹری دا بیرون ملک دیاں انڈسٹریاں نال موازنا کردیاں ہویاں کہیا کہ باہر دے ملکاں وچ انج نہیں ہوندا۔