حالات مطابق بجٹ دی تیاری کر رہے آں،ٹیکس وصولیاں دے نظام وچ خامیاں دا خاتما چاہندے آں: عبدالحفیظ شیخ۔۔۔٭رویل نیوز٭

لاہور (نمایندا رویل) مشیر خزانا عبدالحفیظ شیخ دا کہنا اے کہ ٹیکس وصولیاں دے نظام وچ موجود خامیاں دا خاتما چاہندے آں جد کہ موجودا حالات نُوں ساہمنے رکھ کے نویں بجٹ دی تیاری کر رہے آں۔ مشیر خزانا ڈاکٹر عبدالحفیظ شیخ دی صدارت ہیٹھ اجلاس ہویا‘ جہدے وچ چیئرپرسن ایف بی آر‘ پچھلے سیکریٹری خزانا وقار مسعود تے ہور اعلا حکام رلت کیتی۔ عبدالحفیظ شیخ نے کہیا کہ حکومت سارے فریقاں نال گلبات کرے اوہناں دیاں تجویزاں اُتے غور کرے گی۔ اوہناں نے کہیا کہ معیشت نُوں درپیش اوکڑاں ختم کرن لئی ٹھوس اقدامات کیتے نیں۔ اجلاس وچ ڈیٹا راہیں ٹیکس وصولیاں وچ وادھے تے نظام وچ بہتری دیاں تجویزاں دِتیاں گئیاں۔