غزل

بھیڑی سوچ تے نیت نال وگاڑ نہیں مُکدے اندروں

ایسے لئی تےاونتر جانے ساڑ نہیں مُکدے اندروں

اَکھاں بھاویں لکھاں واری ساون جھڑیاں لاون

فیر وی کھسماں کھانے جیٹھ تے ہاڑ نہیں مُکدے اندروں

ساتھوں ہتھ چھڈاون لگیاں اینا چیتے رکھیں

اک وار جے پئے گئے تے فیر پاڑ نہیں مُکدے اندروں

اونا تیکر ساڈی اکھ دے وچو ںمیل نہیں جانی

جِنا تیکر چیتے تے بگھیاڑ نہیں مُکدے اندروں

آوے وی تے بلھاں اُتے ہاسا کتھوں آوے

ساڈے رولے رپے چیک چہاڑ نہیں مُکدے اندروں