حکومت ٹڈی دل نال نبڑن لئی سنجیدگی وکھائے: شہباز شریف،ٹڈی دل نُوں قابو نہ کیتا تے کال پین دے خطرے ودھ جان گے: ن لیگ۔۔۔٭رویل نیوز٭

لاہور (نمایندا رویل) پاکستان مسلم لیگ (ن) دے صدر تے قائد حزب اختلاف محمد شہباز شریف نے ملک دے مختلف حصیاں وچ ٹڈی دل دے حملے اُتے تشویش دا وکھالا کردیاں ہویاں کہیا کہ ٹڈی دل دے خطرے نال نبڑن لئی حکومت سنجیدگی وکھائے‘ وفاق تے صوبے سانجھی جامع حکمت عملی اُتے عمل کرن تے علاقائی سطح اُتے سانجھے اقدامات کرن لئی اقدامات کیتے جان۔ اپنے بیان وچ اوہناں نے کہیا کہ ٹڈی دل اُتے قابو پان لئی مؤثر اقدامات نہ ہوئے تے قحط دا خطرا اے‘ کرونا وباء تے معاشی دباء دے بعد ٹڈی دل دے حملے نال ساڈیاں اوکڑاں ہور ودھ جان گیاں‘ متاثرا علاقیاں دی لوکائی خاص طور کسان کدوں دیاں دہائیاں دے رہے نیں پر حکومت دی اکھ حالے تک نہیں کھلی۔