دنیا تیزی نال عالمی معاشی بحران ول ودھ رہی اے:شاہ محمود  قریشی۔۔۔٭رویل نیوز٭

اسلام آباد (نمایندا رویل)وزیر خارجا مخدوم شاہ محمود قریشی نے کہیا اے کہ دنیا تیزی نال عالمی معاشی بحران ول ودھ رہی اے‘ ترقی پذیر ملکاں لئی مضمرات سبھ توں ودھ ہون گے‘ سانوں اقتصادی سفارتکاری نُوں ودھا کے معاشی اہداف دے حصول لئی اپنیاں کاوشاں استعمال وچ لیانیاں پین گیاں۔ اوہ جمعرات نُوں وزارت خارجا وچ علاقائی سلامتی تے پاکستان دیاں ترجیحاں دے حوالے توں مشاورتی اجلاس دی صدارت کر رہے سن۔ اجلاس وچ وزیراعظم دے معاون خصوصی برائے قومی سلامتی معید یوسف‘ سیکرٹری خارجا سہیل محمود‘ ماہرین امور خارجا و وزارت خارجا دے اعلا حکام نے رلت کیتی۔ اجلاس وچ کرونا وایرس دی وباء دے چیلنج‘ خطے دی بدلدی ہوئی صورتحال دے چیلنجز اُتے تفصیلی وچار وٹاندرا کیتا گیا۔