کرونا وایرس نال متاثرا بندیاں دی گنتی 50 لکھ توں ٹپ گئی،خطرناک وایرس نال ہلاکتاں دی گنتی 3 لکھ 30 ہزار تک اپڑ گئی،پاکستان وچ یارھاں سو ہلاکتاں۔۔۔٭رویل نیوز٭

نیو یارک (اُچیچا نمایندا) پوری دنیا وچ کرونا وایرس نال متاثر ہون والے بندیاں دی گنتی 50 لکھ تو ٹپ گئی اے‘ وکھ وکھملکاں وچ خطرناک وایرس نال ہلاکتاں دی گنتی 3 لکھ 30 ہزار تک پہنچ گئی اے۔ جمعرات نُوں امریکی وسیلیاں مطابق پوری دنیا وچ ریکارڈ 1 لکھ 6 ہزار نویں روگی رپورٹ کیتے گئے نیں۔ جانز ہاپکنز یونیورسٹی دے آنکڑیاں دے مطابق کرونا وایرس نال پوری دنیا وچ ہُن تک 3 لکھ 29 ہزار 732 بندے اگلے جہان اپڑچکے نیں۔ وکھ وکھملکاں وچ ایس ویلے کرونا دے روگیاں دی گنتی 50 لکھ 90 ہزار 64 اے جہناں وِچوں 27 لکھ 36 ہزار 101 علاج ہیٹھ نیں۔ پاکستان وچ کرونا وایرس نال چلانا کر جان والیاں دی گنتی 1100 تک اپڑگئی اے۔