kraamaat@gmail.com
+ +92 333-430-6384


پنجاب سرکار دا عید سادگی نال مناون دا فیصلا،سرکاری طور اُتے کسے قسم دیاں تقریباں نہیں ہون گیاں۔۔۔٭رویل نیوز٭


نمائندا رویل May 23, 2020


لاہور (نیوز ڈیسک)پنجاب سرکار نے عید سادگی نال مناون دا فیصلا کر لیا۔ سرکاری طور اُتے عید دے حوالے توں کسے قسم دیاں تقریباں نہیں ہون گیاں‘ وزیر اعلا عثمان بزدار نے لوکائی نُوں عید خریداری وچ ماسک پان تے احتیاطی تدبیراں اختیار کرن دی ہدایت کر دِتی۔ وزیر اعلا عثمان بزدار دا کہنا اے کہ لوکائی آپ وی کرونا توں بچے تے اپنے پیاریاں نُوں وی بچائے‘ کرونا ختم نہیں ہویا‘ احتیاط تے بچاء دیاں تدبیراں ضروری نیں‘ بزرگان دین دے مزارات کھول دِتے‘ زائرین سماجی فاصلے دا خاص خیال رکھن۔ سردار عثمان بزدار نے عید سادگی نال منان دی ہدایت جاری کر دِتی‘ سرکاری سطح اُتے عید ملن پارٹیاں نہیں ہون گیاں۔