کرونا اُتے اپوزیشن دی کمکاری صفر رہی: عثمان بزدار۔۔۔٭رویل نیوز٭

لاہور (نمایندا رویل) وزیر اعلا پنجاب عثمان بزدار دا کہنا اے کہ اپوزیشن آگوواں نے کرونا وباء اُتے زبانی جمع خرچ دا نواں ریکارڈ قایم کیتا‘ عملی طور اُتے اپوزیشن دی کمکاری صفر رہی۔ وزیر اعلا پنجاب دا کہنا سی کہ کرونا وایرس دا کھلا ر روکن لئی لوکائی نُوں غربت تے بھُکھ توں بچانا اے‘ تنقید برائے تنقید کرن والے عناصر زمینی حقایق توں لا علم نیں۔ وزیر اعلا دا کہنا سی کہ اپوزیشن آگوواں نے کرونا وایرس دے باوجود قومی ایکے نُوں تباہ کرن دی مذموم کوشش کیتی‘ ذاتی مفادات دی خاطر اکٹھی ہون والی اپوزیشن نے قومی مفادات نُوں زک پہنچائی۔ اوہناں نے کہیا کہ ازمایش دی گھڑی وچ اپوزیشن ولوں قوم نوں ونڈن دی کوشش مذمت جوگ اے۔