ٹڈی دل دے حملیاں توں فصلاں نُوں بچان لئی ہر جتن کراں گے: عثمان بزدار۔۔٭رویل نیوز

لاہور (نمایندا رویل) وزیر اعلا پنجاب سردار عثمان بزدار نے کہیا اے کہ ٹڈی دل دے حملے نال فصلاں نُوں بچان لئی پُرعزم آں۔ ٹڈی دل دے خاتمے لئی ہر سطح اُتے کاوشاں جاری نیں۔ ضلعیاں وچ انتظامیا اپنے سارے وسایل دے نال ٹڈی دل دے حملے اُتے قابو پان وچ مصروف اے تے سپرے سنے ٹڈی دل دے خاتمے لئی سارے آپشن استعمال کیتے جا رہے نیں۔ اوہناں نے کہیا کہ متعلقا محکمیاں تے اداریاں نُوں ٹڈی دل توں فصلاں نُوں بچان لئی 24 گھنٹے الرٹ رہن دا حکم دِتا اے۔ ٹڈی دل دے خاتمے تے فصلاں نُوں بچان لئی 1 ارب رُپئے دے فنڈز جاری کیتے جا چکے نیں تے 24 ضلعیاں وچ 1 کروڑ 47 لکھ توں ودھ رقبے اُتے ٹڈی دل دی مؤثر نگرانی کیتی جا رہی اے۔