امریکا دا نسل پرستانا رَوّیا‘ ڈیرن سیمی دے بعد کرس گیل ولوں وی مذمت ۔۔۔٭رویل نیوز٭

لاہور (نیوز ڈیسک) ویسٹ انڈیز دے جارحانا مزاج بیٹسمین کرس گیل نے امریکا وچ پولیس دے ہتھوں سیاہ فام شہری دی ہلاکت دے معاملے اُتے سیاہ فاماں دی حمایت وچ اواز چُکدیاں ہویاں کہیا کہ باقی لوکاں دیاں زندگیاں وانگوں سیاہ فاماں دی زندگی وی اہمیت رکھدی اے۔ سماجی رابطے دی ویب سائٹ ٹوئٹر اُتے جاری اپنے اِک پیغام وچ کرس گیل نے انکشاف کیتا کہ اوہناں نُوں پوری دنیا وچ سیاہ فام ہون دی وجھا توں نسل پرستانا جملیاں دا ساہمنا کرنا پیا۔ اوہناں نے کہیا کہ نسل پرستی صرف فٹبال ای نہیں سگوں کرکٹ وچ وی اے۔ کرس گیل دا کہنا سی کہ سیاہ فام لوکاں نُوں بے و قوف سمجھنا چھڈ دوو‘ ٹیماں وچ آپ اپنے بارے بلیک طاقتور‘ بلیک مغرور ورگے الفاظ سنے نیں۔