شہباز چمڑی تے دمڑی بچان دے چکروچ نیں:فیاض الحسن چوہان۔۔۔٭رویل نیوز٭

لاہور (نمایندا رویل) وزِیر اطلاعات پنجاب فیاض الحسن چوہان نے کہیا اے کہ شہباز شریف دا بطور سیاسی آگو احتساب توں بچن لئی گھر وچ لُک جانا اِک بزدلانا فعل اے۔ سماجی رابطے دی ویب سائٹ ٹوئٹر اُتے اپنے پیغام وچ اوہناں نے کہیا کہ نیب پیشی توں فرار پر ہائیکورٹ وچ ریلیف لئی پیشی دے پچھے منافقت لُکی اے‘ شہباز شریف اپنی چمڑی تے دمڑی بچان دے چکراں وچ نیں‘ حکومتی ادارے ازادانا تے غیر جانبدارانا احتساب دا عمل جاری رکھن گے۔ وزیر اطلاعات پنجاب نے کہیا کہ آلِ شریف سوال کنک‘ جواب چنا دی گمراہ کن پالیسی اُتے عمل پیرا اے‘ آمدن توں ودھ اثاثیاں دا سوال ہووے تے جواب ٹڈی دل تے کرونا ہوندا اے۔