kraamaat@gmail.com
+ +92 333-430-6384


پاکستان وچ کرونا روگیاں دی گنتی چین توں ودھ چُکی،دو ہفتیاں وچ ستر فیصد وادھا ۔۔۔٭رویل نیوز٭


نمائندا رویل June 05, 2020


لاہور (نمایندا رویل) لاک ڈاؤن وچ نرمی دا خمیازا‘ کرونا روگیاں دی گنتی چین توں وی ودھ گئی‘پاکستان وچ اِک ای دن ریکارڈ 4 ہزار 688 کیس ساہمنے آ گئے۔ 24 گھنٹیاں دے دوران ہر 82 مَوتاں‘ گنتی 1770 تک پہنچ گئی۔ نیشنل کمانڈ اینڈ اپریشن سینٹر دے تازا ترین آنکڑیاں دے مطابق پچھلے 24 گھنٹیاں دے دوران 4 ہزار 688 نویں کیسز رپورٹ ہوئے‘ پنجاب وچ 31 ہزار 104‘ سندھ وچ 32 ہزار 910‘ خیبر پختونخوا وچ 11 ہزار 373‘ بلوچستان وچ 5 ہزار 224‘ گلگت بلتستان وچ 824‘ اسلام آباد وچ 3 ہزار 544 جد کہ ازاد کشمیر وچ 285 کیسز رپورٹ ہوئے۔ملک وچ ہُن تک 6 لکھ 15 ہزار 511 بندیاں دے ٹیسٹ کیتے گئے‘ پچھلے 24 گھنٹیاں دے دوران 20 ہزار 167 نویں ٹیسٹ کیتے گئے‘ ہُن تک 30 ہزار 28 روگی صحت یاب ہو چکے نیں جد کہ کئی روگیاں دی حالت ماڑی اے۔ وسیلیاں مطابق پاکستان وچ 2 ہفتیاں وچ کرونا کیسز وچ 70 فیصد وادھا ہویا اے‘ پاکستان وچ کرونا وایرس نال مَوتاں دی شرح 2.13 فیصد ریکارڈ کیتی جا رہی اے جد کہ پاکستان وچ کرونا دے تشخیصی ٹیسٹ بھارت تے بنگلا دیش توں گھٹ ہو رہے نیں۔