کرونا روگیاں وچ پنج ہزار  نویں روگیاں داوادھا،اٹھاہٹھ جیون بازی ہار گئے،دیس وچ روگیاں دی تعداد 90ہزار توں ودھ گئی۔۔۔٭رویل نیوز٭

اسلام آباد (نمایندارویل) پورے ملک وچ کرونا وایرس دے روگیاں دی گنتی وچ مسلسل وادھا جاری اے تے پچھلے 24 گھنٹیاں وچ ریکارڈ پنج ہزار نویں کیسز ساہمنے آن نال مجموعی طور اُتے متاثرا بندیاں دی گنتی 90 ہزار توں ٹپ گئی اے۔ نیشنل کمانڈ اینڈ اپریشن سنٹر دے تازا ترین آنکڑیاں دے مطابق 24 گھنٹیاں دے دوران 68 مَوتاں ہوئیاں جد کہ 4896 نویں کیس رپورٹ ہوئے نیں۔ 24 گھنٹیاں وچ 22812 ٹیسٹ کیتے گئے تے ہُن تک 6 لکھ 38 ہزار 323 ٹیسٹ کیتے جا چکے نیں جد کہ پورے ملک وچ 31 ہزار 198 روگی صحت یاب وی ہو چکے نیں پورے ملک وچ مجموعی مَوتاں دی گنتی 1838 ہو گئی اے۔ سندھ وچ کرونا وایرس نال متاثرا روگیاں دی گنتی 33536‘ پنجاب وچ 33144 اے۔ دوجے پاسے کرونا وایرس نال بیرون ملک رہن والے 339 پاکستانی چلانا کر گئے نیں‘ امارات وچ رہن والے پاکستانی سر فہرست نیں جتھے کرونا کارن 32 پاکستانی واصل ہوئے نیں جد کہ سعودی عرب وچ 20 پاکستانی کرونا دی بازی ہار گئے۔ ایس توں وکھ پوری دنیا کرونا کیسز دی گنتی 6703095 تک پہنچ گئی اے جد کہ 393224 توں ودھ مَوتاں ریکارڈ کیتیاں گئیاں نیں۔ وسیلیاں مطابق مختلف ملکاں وچ کرونا وایرس دی وباء دا زور ٹُٹ چُکیا اے تے کدھرے ایہ ٹیسی اُتے اے۔