لاہور: پبلک پارک شہریاں لئی کھول دِتے گئے،احتیاطی تدبیراں لازمی قرار۔۔۔٭رویل نیوز٭
نمائندا رویل
June 06, 2020
لاہور (نمایندا رویل) شہر وچ کرونا وایرس دے کھالر دے پیش نظر 18 مارچ 2020 توں بند کیتے گئے شہر دے سارے پبلک پارکس شہریاں نُوں سیرو تفریح لئی کھول دِتے گئے‘ پر پارکاں وچ سیرو سیاحت لئی آن والے شہریاں نُوں ایس گل دا پابند بنایا گیا اے کہ اوہ کرونا وایرس بارے سارے ایس او پیز اُتے عملدرآمد نُوں یقینی بنان گے جہدے تحت پارکاں وچ آن والے شہریاں لئی دستانے، چہرے اُتے ماسک تے سینی ٹائزر دی موجودگی لازمی ہووے گی جد کہ ایس او پیز نُوں نظر انداز کرن والے شہریاں نُوں پارک وچ داخلے دی اجازت نہیں دِتی جاوے گی۔ ایس توں وکھ پنجاب وچ تواریخی تھاواں‘ ریسٹورنٹس تے ہوٹل وی کھولن دیاں تیاریاں شروع کر دِتیاں گئیاں نیں۔
