شعیب اختر نے ایف آئی اے طلبی دے نوٹس نُوں چیلنج کر دِتا۔۔۔٭رویل نیوز٭

لاہور (نمایندا رویل) قومی کرکٹ ٹیم دے پچھلے فاسٹ باؤلر شعیب اختر نے وفاقی تحقیقاتی ادار ے(ایف آئی اے) طلبی دے نوٹس نُوں چیلنج کر دِتا اے۔ وسیلیاں مطابق پاکسان کرکٹ بورڈ دے قانونی مشیر تفضل رضوی تے پچھلے فاسٹ باؤلر شعیب اختر وچکار جنگ ایف آئی اے سائبر کرائم تک پہنچ گئی اے‘ ایف آئی اے راولپنڈی ایکسپریس نُوں سدیا سی پر ہُن خبراں آئیاں نیں کہ شعیب اختر نے ایف آئی اے دے طلبی دے نوٹس نُوں چیلنج کر دِتا‘ شعیب اختر نے طلبی دے نوٹس دے خلاف ڈائریکٹر جنرل (ڈی جی) وفاقی تحقیقاتی ادارے (ایف آئی اے) واجد ضیاء نُوں اپیل کر دِتی۔ شعیب اختر نیاپنے وکیل ابوذر سلمان خان نیازی دی وساطت نال اپیل دایر کیتی۔ وکیل شعیب اختر دا کہنا اے کہ ایف آئی دا شعیب اختر بلان دا نوٹس غیر قانونی اے‘ ایف آئی اے نے سدن توں پہلاں قاعدے ضابطے پورے نہیں کیتے۔