لوکائی دی خشحالی لئی پہلے وی اِک ساں‘ اگے وی اکٹھے رہواں گے: چودھری پرویز الٰہی تے عثمان بزدار دی ملاقات۔۔۔٭رویل نیوز٭

لاہور (نیوز ڈیسک) وزیر اعلا پنجاب سردار عثمان بزدار نال سپیکر پنجاب اسمبلی چودھری پرویز الٰہی نے اج وزیر اعلا آفس وچ ملاقات کیتی‘ رکن قومی اسمبلی مونس الٰہی وی موجود سن۔ ملاقات وچ آپسی دلچسپی دے امور‘ سیاسی صورتحال‘ کرونا صورتحال تے فلاح عاما دے اقدامات اُتے وچار وٹاندار کیتا گیا۔ ایس موقع اُتے وزیر اعلا پنجاب نے کہیا کہ لوکائی دی ترقی تے خشحالی لئی پہلے وی اِک ساں‘ اگے وی اکٹھے رہواں گے جد کہ بجٹ اجلاس نُوں سوہنے طریقے نال چلان اُتے اتفاق کیتا گیا۔ ایس توں وکھ سپیکر پنجاب اسمبلی نے کہیا کہ ساڈی پوری سپورٹ وزیر اعلا پنجاب عثمان بزدار دے نال اے‘ بزدار دے چنگے کماں نُوں سلاہندے آں جد کہ اسیں تحریک انصاف دے نال آں تے نال ای رہواں گے۔