دُنیا نُوں جیسنڈا ورگے آگو دی ضرورت اے: علی ظفر۔۔۔٭رویل نیوز٭

لاہور (نمایندا رویل) پاکستان شوبز انڈسٹری دے معروف اداکار تے گلوکار علی ظفر نے نیوزی لینڈ دی وزیراعظم جیسنڈا آرڈرن دی تعریف کردیاں ہویاں کہیا کہ پوری دنیا نُوں ایہو جہے آگوواں دی ضرورت اے۔ سماجی رابطے دی ویب سائٹ ٹویٹر اُتے جیسنڈا آرڈرن نُوں ویڈیو بیان دا اِک مختصر کِلپ شیئر کردیاں ہویاں جیسنڈا آڑدڑن نُوں ٹیگ کیتا۔ اوہناں نے لکھیا کہ کرونا ورگی عالمی وباء دی صورتحال وچ جیسنڈا ولوں چُکے گئے اقدامات دے دل توں معترف آں۔ علی ظفر نے جیسنڈا نُوں ٹیگ کردیاں ہویاں لکھیا کہ دنیا نُوں ایس ویلے تہاڈے ورگے لیڈرز دی ضرورت اے۔ اوہناں نے ہور کہیا کہ دنیا وچ ہرڈ امیونٹی یاں اجتماعی مدافعت دا سہارا لین دا مشورا دِتا جا رہیا سی پر نیوزی لینڈ نے انج کرن دا سوچیا وی نہیں۔