kraamaat@gmail.com
+ +92 333-430-6384


  فن دی میراث مینوں اپنی جان توں ودھ کے اے، پیو دی میراث کدی نہیں چھڈا ں گا: عارف لوہار۔۔۔٭رویل نیوز٭


نمائندا رویل June 10, 2020


لاہور (نمایندا رویل) نامور گلوکار عارف لوہار نے آکھیا کہ فن دی میراث مینوں اپنی جان توں ودھ کے اے،میری ہر ممکن کوشش ہوندی اے کہ فن دی عزت اتے کوئی آنچ نہ آوے۔ اک انٹرویو وچ اوہناں آکھیا کہ میں اج اپنے پیو دی میراث نوں لے کے چل رہیا واں تے مینوں ایہدے اتے جنی خشی اے اوہنوں الفاظ وچ بیان نہیں کرسکدا۔ میوں کوئی پہاڑ دے برابر سونے تے چاندی دی پیشکش کردیوے پر اپنے پیو دی میراث نوں چھڈن دا آکھے تے میں بغیر کسے دیری تے سوچے سمجھے ایہنوں رد کردوواں گا۔ اوہناں آکھیا کہ جدوں تیکر سانہواں باقی نیں فن دی میراث میرے نال چلے گی تے ایہدی عزت اتے کوئی آنچ نہیں آون دوواں گا۔ خدا دی ذات توں دعا اے کہ ہر کسے دے سر اتے ماں پیو دا سایا سلامت رہوے۔