دُنیا دا نظام تہس نہس ہوگیا اے تے کسے نوں کل دا کوئی پتا نہیں،سانوں رب معافی منگنی چاہیدی اے: فضیلہ قاضی۔۔۔٭رویل نیوز٭

لاہور (نمایندا رویل) سینئر اداکارا فضیلہ قاضی نے آکھیا کہ کرونا دی وبا وچ سانوں اپنا محاسبا تے خدا دے اگے گڑ گڑا کے اپنے گناہواں دی معافی طلب کرنی چاہیدی اے۔ اج دنیا دا نظام تہس نہس ہوگیا اے تے کسے نوں کل دا کوئی پتا نہیں۔ اک انٹرویو وچ فضیلہ نے آکھیا کہ خدا دی ذات توں دعا اے کہ سانوں ایس کڑے تے آزمایش دے ویلے توں جھٹکارا دیوے تے ساڈے گناہواں نوں معاف کر دیوے۔ ہر مسلمان اپنے رب توں رو رو کے دعاواں منگے تے خورے ایسے پاروں اوہ ذات باری تعالی توں راضی ہو جاوے۔ اوہناں آکھیا کہ جے موجودا حالات وچ وی کسے بندے دے دل وچ خوف نہیں آوندا تے اوہ ظلم، ناانصافی کرن دی اپنی عادتاں تبدیل نہیں کردا تے اوہدے بعد کوئی الفاظ نہیں نیں۔