بابر اعظم نُوں با اختیار کپتان بنایا جاوے: شعیب ملک ۔۔۔٭رویل نیوز٭

لاہور (نیوز ڈیسک) شعیب ملک نے بابر اعظم نُوں با اختیار کپتان بنان دا مشورا دے دِتا۔ پاکستان کرکٹ دی نجی ویب سائٹ دے پروگرام وچ شعیب ملک نے کہیا کہ میں بابر اعظم دا پرستار آں‘ اوہناں دا ناں لیا جاوے تے بڑا فخر محسوس ہوندا اے‘ ساڈے کلچر وچ کئی منفی شیواں ہوندیاں نیں‘ نوجوان بیٹسمین ایہناں سبھ نُوں نظر انداز کردیاں ہویاں اپنے کم اُتے توجا دیندے نیں‘ اوہ اپنیاں ذمے داریاں نہیں بھُلدے‘ بہتر ایہو ہوندا اے کہ کسے دے وَس وچ جو ہووے اوہنوں بہترین انداز وچ سر انجام دیوے‘ بابر اعظم وچ ایہو خوبی موجود اے‘ ایس لحاط نال نہ صرف کہ اوہ جونیئر کرکٹرز سگوں سارے کھڈاریاں لئی اِک روشن مثال نیں۔