میرے کرونا روگی  ہوون دیاں خبراں وچ کوئی سچائی نہیں: مہوش حیات۔۔۔٭رویل نیوز٭

کراچی(نمایندا رویل)اداکارا مہوش حیات نے کرونا وچ مبتلا ہون دیاں افواہان نوں رد کردے ہوئے آکھیا کہ میرے کرونا وچ مبتلا ہون دیاں خبراں وچ کوئی سچائی نہیں اے۔ سماجی رابطے دی ویب سایٹ اتے ٹویٹ پیغام وچ اوہناں آکھیا کہ اپنے خلاف کرونا دی ایس خبر دی نہ صرف تردید کیتی سگوں بغیر تصدیق کیتے ایہ خبر شیئر کرن اتے بھڑک اُٹھے تے آکھیا کہ کرونا وچ مبتلا ہون دیاں خبراں وچ کوئی سچائی نہیں اے۔ امید کرنی ہاں کہ ساڈا میڈیا زیدا ذمے داری دا مظاہرا کرے تے انج دیاں خبراں شیئر کرن توں پہلے حقایق نوں جانچ لوے۔ اوہناں ہور آکھیا کہ سوشل میڈیا اتے لایکس تے فالوورز ودھان لئی کجھ وی فوٹو پوسٹ کرن دے بجائے ذمے داراں نوں مینوں فون کرنا چاہیدا سی۔