کرونا بہانا اے‘ بیروزگاری تے پہلے دی اے: سراج الحق۔۔۔٭رویل نیوز٭

کراچی (نمایندا رویل) جماعتِ اسلامی پاکستان دے امیر سینیٹر سراج الحق نے کہیا اے کہ کرونا وایرس بہانا اے‘ بیروزگاری تے پہلے توں ہورہی اے۔ کرونا وایرس توں پہلے ای غربت وچ وادھا ہو رہیا سی۔ ساڈا خیال سی کہ ایس بجٹ وچ حکومت اپنیاں غلطیاں نُوں درست کرے گی‘ حکومت نُوں وی اندازا نہیں کہ کرونا دے بعد اسیں کس پاسے جاواں گے۔ کراچی وچ میڈیا نال گلبات کردیاں ہویاں امیر جماعت اسلامی نے کہیا کہ ایس بجٹ وچ غریب بندے لئی کجھ وی نہیں اے‘ حکومت نے ملازماں لئی 1 رُپئے دا وی وادھا نہیں کیتا۔ اوہناں نے کہیا کہ حکومت نے تعلیم دے بجٹ وچ کمی کر دِتی‘ حکومت نے ایس بجٹ وچ بیروزگاری ختم کرن لئی کجھ نہیں کیتا۔